Liza Tania Said Kumar – Kiambang batauik

Lah lamo tajalin cinto kito baduo
Raso indak mungkin hingga palaminan
Dek silang sangketo urang tuo kito
Kito baduo yo nan manangguangkan

Di cubo sampaikan yo bataruih tarang
Rang tuo manjawek cando urang bapantun
Piliahlah dek Upiak pinan nan sabatang
Tapi jan diarok aua nan sarumpun

Hoo.. Kok nyampang kasiah putuih
Di tangah jalan antaro kito baduo
Hoo.. Bialah Denai pai ka rantau urang
Larek salamo-lamonyo

Cinto jo kasiah Denai indak mungkin di ungkai
Indak barubah di lahia nan jo di batin
Bak cando bungo kambang bia layua di tangkai
Pado di suntiang rang lain si urang lain

Elok di taruihkan biduak kasiah kito
Isuak untuang salasai banang nan kusuik
Alah jadi bisan hening juo rasonyo
Biduak alah lalu Kiambang batauik

Hoo.. Kok nyampang kasiah putuih
Di tangah jalan antaro kito baduo
Hoo.. Bialah Denai pai ka rantau urang
Larek salamo-lamonyo

Cinto jo kasiah Denai indak mungkin di ungkai
Indak barubah di lahia nan jo di batin
Bak cando bungo kambang bia layua di tangkai
Pado di suntiang rang lain si urang lain

Elok di taruihkan biduak kasiah kito
Isuak untuang salasai banang nan kusuik
Alah jadi bisan hening juo rasonyo
Biduak alah lalu Kiambang batauik
Alah jadi bisan hening juo rasonyo
Biduak alah lalu Kiambang batauik