Buset – Liga Sawah

Antah bilo Indonesia masuak Piala Dunia
Dari zaman katumba hingga zaman merdeka
Kok gaya e iyo mantap hingga masuak iklan
Disipak e karambia ondeh jatuah satandan

Antah apo salah dek pemain bola kito
Ndak dapek bola kaki urang pulo dilapohnyo
Lah jaleh inyo salah urang pulo nan nyo ago
Diagiah kartu kuniang wasit nyo kaja basamo

Wasit di kaja basamo-samo
Panonton datang sato manggilo
Ciek duo tigo lari mahojo
Ampek limo anam tuntang-tuntang
Wasit lari kancang maimbau Amak
Urang nan mangaja batambah banyak
Wasit lah marasai dianyak-anyak
Muko wasit kini lah petak-petak

Aduah apo namonyo
Main bola di kampuang kito
Aduah kacau jadinyo
Main bola campua Taekwondo

Caliak si Tinuih maarak bola lah kamuko
Gilik suok gilik kida lawan di kicuahnyo
Tapi sayang sayang pas tibo di muko gawang
Dek indak macaliak diampuahnyo tiang gawang

Caliak Kidir maarak bola sambia balari
Lah indak takaja dek lari cigin sekali
Tapi sayang sayang pas tibo di muko gawang
Dek larinyo kancang hingga nyo mahondoh jawi

Si Tinuih alah tatilantang
Si Tinuihnyo lah masuak kubang
Pelatihnyo lah berang-berang
Urang sadonyo galak gadang

Panitia lah paniang lalek
Mancaliak jawi lapeh kabek
Main bola jadi tahambek

Aduah apo namonyo
Main bola bacampua jo jawi
Aduah kacau jadinyo
Lapang bola jadi sangkar jawi

Le ole.. ole ole.. Le ole.. ole ale..
Le ole.. ole ole.. Le ole.. ole ale..
Goll.. gol gol gol goll..
Goll.. gol gol gol goll..

Wasit pingsan cedera lo liak
Wasit pingsan cedera lo liak
Ndak ado wasit surang main
Wasit ndak ado pupuah se lai