Amir Sampuraga – Anak sipasan (Versi lagu KIM)

Anak sipasan dalam rimbo, mati di golek-golek batang

Hati-hati Mamak manjago, kito caliak angko nan datang
Ondeh-ondeh iyo, kito lah caliak angko nan datang
Angku Haji babaju jubah, nan ka rimbo mamikek balam
Yo dek Adiak sayanglah sudah, nan di Denai tambah mandalam
Ondeh-ondeh iyo, kito lah goyang watu di goyang
Yoo.. nak ka guo mari ka guo kito ka guo
Ari Ahad ka Balai Tangah, ka Balai Tangah
Nan dek Ambo sabana iyo,
Manga dek Adiak baok bagarah
Tujuah puluah duo harinyo, yo dek rindu Denai taseso
Ondeh sakik putuih bacinto, malang bana nasibnyo badan
Ondeh-ondeh iyo, anam puluah lapan lah batinggakan
Yo lah sayuik di langan bulan, induak samang bayialah gaji
Yo lah abih bareh di makan, anak di rumah lah manangih
Ondeh-ondeh iyo, duo puluah sambilan lamo mananti
Badantuang ombak sahelan, bagumpa karang ka tapi
Dima indak kuruihnyo badan, bacinto indak manjadi
Ondeh-ondeh iyo, lapan puluah sambilan mangigik jari
Yoo nan kalikih di tapi ngarai, di tapi ngarai
Jikok masak di makan karo, di makan karo
Abihlah pitih, bini minta carai 
Kok nan mintuo, lah jajok pulo
Olele di Kota Raja, talatak ujuang Sumatera
Kok dapek babini gata, tangah malam inyo manggaya
Ondeh-ondeh iyo, tujuah puluah tigo alah ado nan punyo